1 Maji i minatorëve – Pas vitesh zvarritje, kërkesa: Miratoni statusin përpara se të vdesim

Për minatorët 1 Maji ishte ditë proteste, sikurse shumë  të tjera përgjatë viteve të fundit. Kërkesa është e njëjtë, të miratohet statusi i minatorit, por kjo thirrje ende vazhdon të mos dëgjohet. Të gjithë duan të rrëfejnë vitet e tyre nëntokë dhe pensionin e vogël me të cilin shpërblehen sot, pas vitesh pune të vështirë.

Nuk mungojnë as ata që iu janë hequr edhe disa prej privilegjeve të përfituara gjatë viteve e tashmë iu duhet të kthejnë paratë e përfituara nga trajtimi i veçantë.

Miratimi I Statusit të minatorit do t’i hapte rrugën një sërë përfitimesh për këtë kategori, duke nisur nga pensionet, strehimi apo edhe përfitimi i ilaçeve pa pagesë. Megjithatë, ende qeveria nuk ka miratuar një draft, ndërsa vetë sindikatat vazhdojnë të jenë të përçara, duke synuar marrjen e meritave, ndonëse kërkesat e tyre janë thuajse të njëjta.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.