1 miliard dollarë për pronarët shqiptarë – ATP zbardh detyrimin financiar për kompensimin e 25,968 dosjeve, 1 miliard dollarë

100.6 miliardë lekë, apo 1 miliardë dollarë është fatura financiare që shteti shqiptar duhet të paguajë për kompensimin e pronarëve.

Shifra është zbardhur më në fund nga Agjencia e Trajtimit të Pronave në raportin që i ka dërguar Ministrisë së Drejtësisë për realizimin e objektivave për vitin 2019.

Në raport Agjencia njofton Ministrinë se “Në periudhën Janar – Gusht, ka përfunduar se vlerësuari gjithsej 25,968 vendime përfundimtare per kompensim te viteve 1993-2013 vlerësim prej të cilit te rezultuan të dhëna si me poshtë: “Së pasri 21,429 vendime u vlerësuan financiarisht me një vlere prej 100,655,738,106 leke, vlere e cila pritet te ndryshoje pasi ATP-ja është në pritje të përfundimit te ankimeve nga subjekti në baze të afateve ligjore.   Së dyti 3721 vendime konsiderohen te kompensuara dhe së treti,  818 vendime te dublikuara.

Nëse ATP-ja nuk përmbush brenda këtij afati 3-vjeçar detyrimin, subjektit i lind e drejta t’i drejtohen Gjykatës Administrative të Shkallës së Parë, Tiranë për të kërkuar vlerësimin financiar, sipas përcaktimeve të këtij ligji”, shkruan në Raport Agjencia e Trajtimit të Pronës.

Shifra prej 1 miliardë dollarësh është përllogaritur përmes formulës së re që përdor qeveria për llogaritjen e kompensimit financiar, e cila nuk bazohet te vlera aktuale e tokës, por te zëri kadastral që ajo ka pasur në përpara vitit 1945.

Sipas shoqatave të pronarëve, në rast se llogaritja do të bëhej në bazën reale të vlerës, fatura financiare do të arrinte mbi 4 miliardë dollarë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.