10.000 euro për ta lënë të lirë- Policia vë në pranga 5 persona
10.000 euro për ta lënë të lirë! Policia e Shtetit, në bashkëpunim me Interpol Tirana dhe Policinë Greke kanë vënë në pranga 5 shtetas shqiptar të dyshuar si autor të pengmarrjes së një tjetër shtetasi shqiptar, në një fshat të Korinthos, Greqi.
Sipas informacioneve të Policisë, shtetasi me iniciale J.T mbahej peng për motive të dobëta dhe i kërkoheshin 10.000 euro për ‘ta lëshuar’. Policia greke, mbi bazën e informacioneve të marra nga Policia e Shtetit bëri të mundur arrestimin në flagrancë të shtetasve Xh.N, 49 vjeç, H.M, 35 vjeçe, B.M, 41 vjeç, M.M, 19 vjeç.
Ndërkaq, Policia e Tiranës bëri kapjen dhe arrestimin në flagrancë të shtetasit L. P, 24 vjeç, bashkëpunëtor në pengmarrje. Të lartpërmendurit, ashtu sikurse dhe shtetasi J.T i marrë peng, banues në Tiranë.
Materialet do i kalohen për ndjekje të mëtejshme Prokurorisë pranë Gjykatës së Shkallës Parë për Krime të Rënda, për veprat penale “Shtrëngimi me anë të kanosjes ose dhunës për dhënien e pasurisë” dhe “Heqja e paligjshme e lirisë“ e kryer në bashkëpunim.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.