10 milion dollarë për vaksinat kineze – Qeveria miraton shtesën e fondit pas marrëveshjes së re me distributorin turk
Këshilli i Ministrave ka miratuar një shtesë fondi për Ministrinë e Shëndetësisë dhe Mbrojtjes Sociale, që do të shkojë për vaksinat kineze anticovid-19. Në total shtesa e fondit është 10 milion dollarë, ndërsa vendimi specifikon se vlera është sipas kushteve të përcaktuara në marrëveshjen me distributorin turk për vaksinën Coronavac, të prodhuar nga kompania Sinovac. Shtesa e këtij fondi vjen pak ditë pas miratimit në parlament të marrëveshjes së re me distributorin turk të vaksinës kineze, duke synuar rritjen e numrit të vaksinave që do të mbërrijnë në Shqipëri.
Sipas deklaratve publike të zyrtarëve të Ministrisë së Shëndetësisë kjo marrëveshje ishte domosdoshëmri për plotësimin me dozat e dyta të qytetarëve që kanë marrë këtë vaksinë. Ndërkohë, që edhe Instituti i Shëndetiti Publik kishte kërkuar futjen e kësaj vaksine për shkak të administrit të lehtë, në drejtim të rujatjes së dozave në kushte normale frigoriferike. Deri më tani, për marrëveshjen me distributorin turk janë miratuar në total 20 mln USD, pasi më herët qeveria miratoi edhe një tjetër shtesë fondi prej 10 mln USD.
Vaksina e prodhuar nga kompania Sinovac përbën sasitë më të mëdha të vaksinave për covid-19 të mbërritura në vendin tonë, ndërkohë që krahaa saj Shqipëria është furnizuar edhe përmes kontratave që qeveria ka me kompaninë Pfizer, Sputnic V, por edhe përmes mekanizmit COVAX dhe dhurimeve nga Bashkimi Evropian. Ndërkaq, deri në datën 18 qershor, sip[as të dhënave zyrtare në total janë kryer 862,628 doza të vaksinës ndaj COVID19. Prej tyre 351,453 qytetarë i kanë marrë të dyja dozat e vaksinës antiCOVID.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.