10 pacientët e parë të shëruar nga Covid-19, dalin nga spitali / Manastirliu: ”Jemi ende në fillimet e kësaj lufte, prandaj durim”
Nëpërmjet një postimi në ‘Facebook’’, ministrja e shëndetësisë, Ogerta Manastirliu, ka ndarë me qytetarët një lajm mjaft të mirë, në këto ditë të vështira.
10 qytetarë që ishin prekur nga Covid-19, tashmë kanë rezultuar negativë në dy testet e njëpasnjëshme, duke u dërguar kështu nëpër shtëpitë e tyre, nga ku do të qëndrojnë dhe për disa ditë në vetëizolim.
Duke shprehur mirënjohje për mjekët, Manastirliu, i drejtoi sërish apel qytetarëve që të zbatojnë rregullat duke ndihmuar kështu veten, mjekët por edhe gjithë komunitetin.
Postimi i plotë
”10 qytetarë që ishin prekur nga Covid-19, tashmë kanë rezultuar negativë në dy testet e njëpasnjëshme.
Të gjithë ndodhen në shtëpitë tyre, ku do të vazhdojnë të jenë të vetëizoluar për një periudhë 14 ditore.
Faleminderit mjekëve për shërbimin!
Lutje për të gjithë qytetarët: Jemi ende në fillimet e kësaj lufte, prandaj durim.
Ju ndihmoni mjekët tanë duke zbatuar rigorozisht masat e higjenës dhe distancimit social.
Dhe ata, mjekët, infermierët, sanitarët, punonjësit e shërbimeve mbështetëse, do t’u shërbejnë me të gjithë forcën dhe profesionalizmin, atyre që do të kenë nevojë.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.