10 raste të reja me Covid-19/ Shkon në 605 numri total i të shëruarve
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë kryer 275 testime ku 10 prej tyre kanë rezultuar pozitiv, duke e çuar në 842 numrin total të të infektuarve në të gjithë vendin. 605 prej tyre janë shëruar ndërsa 206 prej tyre janë ende aktiv me Covid-19. Ndërkaq, janë të shtruar 38 pacientë në të dy spitalet e vënë në dispozicion dhe vetëm 7 prej tyre ndodhen në terapi intensive.
Rastet e reja të konfirmuara janë përkatësisht: 3 raste Tiranë, 3 raste në Krujë, 2 raste në Shkodër dhe 2 raste në Kamëz.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.