10 shpenzuesit më të mëdhenj në botë për turizëm – Kryeson Kina me 258 mld USD
Shpenzimet ndërkombëtare për turizmin në vitin 2017 shënuan një rritje të madhe, sipas Barometrit Global të Turizmit të UNWTO. Kina ruajti pozicionin e saj si shpenzuesja më e madhe në botë me 258 miliardë dollarë.
Ndërkohë, të pozicionuar në vendin e dytë, udhëtarët amerikanë shpenzuan 12 miliardë dollarë shtesë për turizmin ndërkombëtar, ose 135 miliardë dollarë në total gjatë vitit të kaluar.
Shpenzimet turistike në Gjermani, e cila listohet në vendin e tretë me 84 miliardë dollarë dhe në Britaninë e Madhe në vendin e katërt me 63 miliardë dollarë, u rritën me 3%. Ndërsa, në Francë u rritën me 1%, ku sipas Barometrit Global të Turizmit UNWTO, renditet e pesta me 41 miliardë dollarë.
Ndërkohë, shpenzimet e turistëve nga Australia (në vendin e 6-të) u rritën me 7% dhe nga Kanadaja (e cila renditet e 7-ta në listë) me 9%. Rusia (+ 13%) u rikthye pas disa viteve të rënies, duke arritur në 31 miliardë dollarë, duke u ngjitur në tre vende për të riintegruar vendin e dhjetë në vendin e 8-të.
Më tej, vjen Koreja e listuar në vendin e 9-të, ku shpenzimet për turizmin gjatë vitit 2017 u rritën me 9%, ndërsa në Itali, e cila mbyll edhe listën e dhjetë vendeve që shpenzojnë më shumë për turizmin, u rritën me 6%.
Jashtë këtij grupi kryesor, shpenzimet turistike u rritën, veçanërisht në Suedi me 14% dhe në Spanjë me 12%. Brazili gjithashtu u rikthye fuqishëm, duke u ngjitur në tetë vende në vendin e 16-të me 19 miliardë dollarë në shpenzime, duke u rritur kështu me 201% më shumë.
India ndërkohë pati një rritje prej 9% të shpenzimeve në 18 miliardë dollarë, duke u pozicionuar në vendin e 17 në mesin e shpenzuesve më të mëdhenj për turizëm.
Lista me 10 vendet që shpenzojnë më shumë për turizëm:
- Kinë
- Shtetet e Bashkuara të Amerikës
- Gjermani
- Britani e Madhe
- Francë
- Australi
- Kanada
- Rusi
- Koreja
- Itali
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.