10 vendet më të mira për të jetuar
Shpeshherë na lind pyetja se cilat janë vendet më të përshtatshme për të punuar e jetuar. Sipas raportit të fundit të OECD këtu do të gjeni 10 vendet më të mira për nga niveli i jetesës, strehimi, arsimimi si dhe shëndetësia.
- Australia
Australia është një nga shtetet që gëzon ndotjen më të ulët dhe nivelet më të larta të sigurisë personale. Australianët renditen lartë në angazhimin qytetar, dhe mbi mesatare në shëndetësi, strehim si dhe në të ardhura. Por siç do shtet ka dhe ai të metat e tij. Australianët e kanë të vështirë të arrijnë një ekuilibër midis punës dhe jetës. Ata punojnë shumë dhe i kushtojnë shumë pak kohë kohës së lirë dhe kujdesit personal, shprehet OECD.
- Suedia
Suedia ia ka kaluar Norvegjisë dhe ka kaluar e dyta në renditje. Vendi Skandinav renditet i pari për kualitetin e mjedisit dhe mbi mesatare për balancën jetë-punë, kënaqësinë e jetës, shëndetin dhe arsimin.
- Norvegjia
Norvegjia ka kaluar në vendin e tretë në krahasim me vitin e kaluar, por ende renditet mbi mesatare për kriteret më të mëdha. Ky shtet është një nga udhëheqësit në mirëqenie, të cilën studiuesit e matin duke parë treguesit subjektiv, si kënaqësia e jetës dhe barazia.
- Zvicra
Zvicra renditet e katërta, dhe ka një nivel të lartë për vendet e punës, shëndetin dhe kënaqësinë në punës. Ajo renditet e dyta për nga të ardhurat, pas Shteteve të Bashkuara.
- Danimarka
Danimarka, e pesta në renditje, ka rekordin më të mirë për balancën punë-jetë dhe për lumturinë. Danezët janë më të kënaqur me jetën e tyre nga sa tregon mesatarja e OECD. OECD e vlerëson mesatarisht me 6.6 pikë kënaqësinë e tyre për jetën, ndërkohë që danezët e vlerësojnë me 7.5 nga 10 pikë vetveten.
- Kanadaja
Kanadaja është vendi i gjashtë më i lumtur, është cilësuar mbi mesatare për të gjitha kriteret. Renditjet e publikuara nga OECD tregojnë një barazi në 11 kategoritë ku është bërë vlerësimi.
- Shtetet e Bashkuara
Kur vjen puna për të ardhurat dhe strehimin SHBA renditet e para, por në renditjen e përgjithshme ajo qëndron në vend të shtatë. Ka një vlerësim mesatar në arsim, mjedis, siguri si dhe në ekuilibrin e pëlqyeshmërisë së punës.
- Zelanda e Re
Zelandezët janë njerëzit më të shëndetshëm në botë. 90 për qind e njerëzve në Zelandën e Re janë në gjendje shumë të mirë shëndetësore. Jetëgjatësia qëndron në 82 vjet në Zelandën e Re, dy vjet mbi mesataren e OECD-së.
- Islanda
Islanda renditet e nënta në indeks, gëzon një shkallë shumë të lartë të punësimit, nivel të lartë të ardhurash dhe një siguri mbi mesataren për vendet e punës.
- Finlanda
Finlanda edhe pse renditet e 10 ka një renditje të lartë në arsim dhe aftësi, të cilat janë kriteret e theksuara si më të rëndësishmet për mirëqenien e përgjithshme nga indeksi “Për një jetë më të mirë”.
Viola Hydi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.