11 mijë fermerë “digjen” nga TVSH-ja – Vjero: Kanë përfituar shumë pak, nuk nxitet informaliteti!

Ulja e rimbursimit të TVSH-së në bujqësi nga 6 % në 0 do të prekë rreth 11 mijë fermerë në të gjithë vendin, të cilët e kanë përfituar deri më tani. Shifra është dhënë për herë të parë nga zv.Ministrja e Financave, Vasilika Vjero, sipas së cilës është shumë e ulët në raport me 65 mijë fermerë që janë të formalizuar aktualisht. Deputetët opozitarë kanë vënë theksin tek nxitja e informalitetit përmes këtij ndryshimi fiskal, por zv.Ministrja është shprehur se kjo nuk do të ndodhë.

Ndryshimet fiskale, nëse do të miratohen, priten të hyjnë në fuqi nga 1 Janari i vitit të ardhshëm. Ndërkohë që kundërshtitë kanë qenë të shumta, që nga deputetët deri tek grupet e interesit.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.