117 raste të reja me Covid – Humbin jetën 2 pacientë të tjerë / Situata e të hospitalizuarve vijon e rënduar
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 585 qytetarë ku kanë rezultuar pozitiv 117 raste të reja.
Rastet e reja janë përkatësisht: 41 raste në Tiranë, nga 9 raste në Shkodër dhe Kavajë, 7 raste në Korçë, 6 raste në Pukë dhe Lezhë, 5 raste në Durrës dhe Kurbin, 4 raste në Krujë, Mirditë, Tropojë, 3 raste në Fier, 2 raste në Kolonjë, Lushnjë, Vlorë dhe mat. Si dhe nga 1 rast në Memaliaj, Ura Vajgurore, Pogradec, Kamëz, Berat, dhe Elbasan.
Aktualisht në dy spitalet Covid janë të shtruar 85 pacientë ku 10 prej tyre janë në terapi intensive dhe 4 në intubim, ndërsa rastet e tjera po monitorohen nga mjeku i familjes.
Ministria e Shëndetësisë ka njoftuar se gjatë 24 orëve të fundit kanë ndërruar jetë 2 pacientë të moshës 66 dhe 70 vjeç, si pasojë e sëmundjeve shoqëruese.
Gjatë 24 orëve të fundit janë shëruar 68 pacientë duke e çuar numrin total të të shëruarve në 2014, dhe ka akoma 1462 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.