120,000 gra lënë punën çdo vit për t’u kujdesur për fëmijët dhe të moshuarit

Rreth 120,000 gra janë të detyruara të largohen nga puna çdo vit për t’u kujdesur për fëmijët e tyre ose pjesëtarët e tjerë të familjes (të sëmurë ose të moshuar), sipas një studimi nga Ndërmarrja Turke dhe Konfederata e Biznesit (Türkonfed).

Raporti i publikuar me rastin e 8 Marsit, tregon një tjetër gjetje, sipas të cilit deri në 1.3 milion gra nuk ishin në gjendje të punonin për shkak të detyrës së kujdesit ndaj fëmijëve, llogaritur që nga viti 2016.

Ndërsa në lidhje me gratë që punojnë, në raport thuhet se një guraje pasi kthehet nga puna shpenzon edhe 3.5 orë për kujdesin familjar dhe punët e shtëpisë.

Pjesëmarrja e grave në fuqinë punëtore të Turqisë u rrit nga 23 për qind në 2007, në 32.4 për qind në 2016, po përsëri ajo mbeti shumë më poshtë mesatares europiane, e cila qëndron në 51.6 për qind, sipas raportit.

Ndërsa gratë fitojnë më pak se burrat, barra tatimore mbi shpatullat e tyre është e njëjtë me homologët e tyre meshkuj, thuhet në raport.

“Rreth 45.6 për qind e grave paguhen 12 për qind më pak se burrat. Për të arritur një ekonomi dhe demokraci të përparuar, një vend duhet të rrisë punësimin e grave, të marrë masat për t’i dhënë fund dhunës ndaj grave dhe për të fuqizuar statusin e tyre. Sa herë që gratë forcohen, shoqëritë bëhen më të forta”, tha presidenti i Türkonfed.

Më shumë se 12 trilionë dollarë mund të shtohen në ekonominë globale nëse barazia gjinore rritet deri në vitin 2025, sipas raportit.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.