125 raste të reja me Covid-19, MSH: Gjatë 24 orëve të fundit u shëruan 43 qytetarë

Bie sërish numri i të prekurve ditorë me Covid-19 në vendin tonë. Sipas ministrisë së Shëndetësisë, gjatë 24 orëve të fundit janë konfirmuar pozitivë me koronavirus 125 persona, ndërsa janë shëruar 43 qytetarë.

“Gjatë ditës së sotme janë regjistruar 125 raste të reja me COVID-19 në vendin tonë,  nga 833 testime në 24 orë.  Ndërkohë43 qytetarë kanë firuar betejën me Covid-in, duke e çuar në 6831 që nga fillimi i epidemisë.”

Tirana vijon të ketë numrin më të lartë të të prekurve me Covid-19.

“Rastet e të prekurve janë: 46 raste në Tiranë, 12 raste në Durrës, nga 7 raste në Elbasan, Mirditë, nga 6 raste në Krujë, Kavajë, Bulqizë, Kuçovë, nga 5 raste në Vorë, Gjirokastër, 4 raste në Gramsh, nga 2 raste në Shkodër, Berat, Kamëz, Mat, nga 1 rast në Kurbin, Kukës, Has, Tropojë, Pogradec, Sarandë, Selenicë.”

Ministria e Shëndetësisë vijon të bëjë thirrje për respektimin e masave për parandalimin e këtij infeksioni. Nddërkohë, situata në spitale vijon të jetë e qëndrueshme. Aktualisht në spitalin Infektiv dhe “Shefqet Ndroqi” po trajtohen 175 pacientë, 15 në terapi intensive nga të cilët 5 pacientë janë të intubuar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.