133 raste të reja me Covid-19, Ministria e Shëndetësisë: 75 të shëruar dhe 4 humbje jete në 24 orë

133 persona janë konfirmuar pozitivë me COVID-19 nga kryerja e 820 testimeve gjithsej në 24 orëve të fundit. Sipas Ministrisë së Shëndetësisë, situata në vend në javën e fundit paraqitet e qëndrueshme.

“Ndërkohë që është rritur numri i të infektuarve në krahasim me ditën e djeshme. Nga 101 raste që ishin dje, sot janë shënuar 133 të prekur nga 820 testime që janë bërë.

Situata vazhdon të mbetet e qëndrueshme. Pozitiviteti është i njëjtë me një javë më parë. Mesatarja javore e rasteve të reja për javën 35 është 153 raste /javë.”

Ndërsa numri i të shëruarve mbetet  sërish i lartë. Sipas  ISHP  në 24 orët e fundit janë shëruar 75 qytetarë ndërsa s’kanë mundur të mbijetojnë 4 të tjerë.

“Katër qytetarë humbën jetën nga koronavirusi në 24 orët e fundit në Shqipëri, një më pak se dje. Në dy spitalet COVID, nuk e kanë fituar dot betejën me sëmundjen; një 56 vjeçar nga Tirana, një 70 vjeçare nga Elbasani, një 77 vjeçar nga Durrësi, një 87 vjeçar nga Fieri.

75 qytetarë janë shëruar në 24 orët e fundit, duke e çuar numrin e të shëruarve në 5214, që nga fillimi i epidemisë. ”

Aktualisht në spitalin Infektiv dhe “Shefqet Ndroqi” po trajtohen 180 pacientë të konfirmuar pozitivë me COVID-19, 17 në terapi intensive nga të cilët vetëm 6 pacientë janë të intubuar.

SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.