13,633 biznese të Fiskalizuara deri në verë – Tatimet: Pjesa më e madhe janë kompani të mëdha, shumica në sektorin e tregtisë
13,633 biznese të Fiskalizuara dhe mbi 9 milionë fatura të fiskalizuara. Është ky bilanci I deritanishëm I procesit të fiskalizimit I hyrë në fuqi nga 1 janari I këtij viti. Përmes një materiali informues, Drejtoria e Përgjithëshme e Tatimeve ka përmbledhur ecurinë e deritanishme të procesit të fiskalizimit, I cili sapo ka hyrë në fazën e dytë. Kane qenë bizneset e mëdha ato që I janë përshtatur më shpejt kushteve që vendos fiskalizimi. 7,937 kompani të fiskalizuara gjatë kësaj periudhe I përkasin biznesit të madh, ndërsa numri I bizneseve të vogla është 5,550. Sipas të dhënave të adminsitratës tatimore, numrin më të madh të bizneseve të fiskalizuara e raporton Tirana me rreth 6,500 subjekte që kanë përmbushur tashmë detyrimet ligjore që përcakton procesi.
E ndarë sipas sektorëve, sa I përket biznesit të madh, Pjesa më e madhe e kompanive të fiskalizuar operojnë në sektrin e tregtisë 3246 biznese, 2,200 në sektorin e shërbimeve. 1366 në sektorin e prodhimit. Më I ulët është numri I bizneseve të fiskalizuara në sektorët e ndërtimit e transportit.
Sa I përket biznesit të vogël, situate është disi më e ndrysme, pasi sektori me numrin më të madh të kompanive të fiskalizuara është ai I shërbimeve, me mbi 3500, I ndjekur nga sektori I tregtisë me rreth 3200 kompani të fiskalizuara.
Në 1 Janar 2021 nisi faza e parë për transaksionet pa para në dorë midis tatimpaguesve dhe enteve publike (B2G), në 1 Korrik 2021 nisi faza e dytë për transaksionet pa para në dorë midis tatimpaguesve (B2B), ndërsa më 1 Shtator do të nisë faza e tretë për transaksionet me para në dorë tatimpagues-konsumator (B2C).
Pak ditë para mbylljes së punës së Kuvendit, u votua edhe heqja e gjobave për bizneset që nuk do arrijnë të repektojnë kushtet ligjore që përcakton procesi I fiskalizimit deri më 31 dhjetor të këtij viti.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.