145 milionë lekë për ndërtimin e një ujësjellësi të ri në Pukë/ Cilat janë zonat që do të furnizohen?
Bashkia Pukë ka shpallur një tender me fond 145.3 milionë lekë, për ujësjellësin e fshatit Gjegjan.
“Objekti ‘Ujësjellësi i fshatit Gjegjan, Bashkia Pukë’ ndërtohet në fshatin Gjegjan, ne tre lagjet përkatëse: Gjegjan qendër, Dom, Sumaj. Në fillim këto zona janë furnizuar me ujë me linja jo të rregullta të amortizuara në tubacionin që furnizonte Qytetin e Tiranës” specifikohet në detajet e projektit.
Referuar të dhënave të mëtejshme te tenderit të shpallur në Agjencinë e Prokurimit Publik, tenderi i shpallur në Agjencinë e Prokurimit Publik do të qëndrojë i hapur deri më 7 prill dhe ka një afat kohor për ekzekutim prej 15 muajsh, që nga nënshkrimi i kontratës me subjektin fitues.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.