15 milionë euro për punësimin në 8 muaj – Mbi 12 mijë ndërmjetësime për të papunët
Rreth 1.8 miliardë lekë apo 15 milionë euro janë shpenzuar në 8 muajt e parë të vitit për tregun e punës në vend me qëllim nxitjen e punësimit përmes programeve të veçanta. Ndërkohë që fondi i vënë në dispozicion për arritjen e aftësive më të larta dhe punë më të mirë për të gjithë femrat dhe meshkujt, nëpërmjet politikave të cilat nxisin vende pune cilësore dhe mundësi aftësimi është në total 2.7 miliardë lekë.
Sipas raportit të monitorimit të publikuar nga Ministria e Financave, për 8-mujorin 2021, janë realizuar 12.300 ndërmjetësime punësimi për punëkërkues të papunë. Ndërsa janë trajtuar me me pagesë papunësie 5350 punëkërkues të papunë, me një vlerë monetare prej afro 706 milionë lekësh. Po ashtu, referuar raportit, për të punësuar/trajnuar nëpërmjet programeve të nxitjes së punësimit, janë shpezuar për këtë periudhë 182 milionë lekë, nga fondi vjetor për nxitjen e punësimit.
Për punëkërkues të papunë pjesëmarrës në formimit profesional, janë shpenzuar 286 milionë lekë lekë. Sa i takon situatës së pandemisë gjatë këtij viti, për pagat e biznesit për masat anti COVID- 19, ishte planifikuar fondi me vlerë 461 milionë lekësh lekë, nga të cilat janë disbursuar 432 milionë lekë. Tregu i punës gjatë këtij viti ka shfaqur shenja rigjallërimi, pas deforimit që pësoi gjatë vitit 2020.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.