15 raste të reja me Covid – Evidentohen raste të reja nga një cermoni mortore në Kamëz

Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 162 qytetarë ku kanë rezultuar pozitiv 15 raste të reja, duke e çuar në 1212 numrin total të të infektuarve në të gjithë vendin.

Rastet e reja janë përkatësisht: 10 raste në Tiranë, 2 raste në Kamëz, dhe 3 raste në Shkodër.

75 % e pacientëve të prekur janë aktualisht të shëruar dhe janë akoma 269 raste aktive ku 69% e tyre janë nga Tirana

Aktualisht në dy spitalet Covid janë të shtruar 24 pacientë ku 5 prej tyre janë në terapi intensive dhe 1 pacient është i intubuar, ndërsa rastet e tjera po monitorohen nga mjeku i familjes.

Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.