15 urdhëra për 15 ndotësit e mëdhenj – Klosi-donatorëve: Duhen investime konkrete në menaxhimin e mbetjeve
Ministria e Turizmit dhe Mjedisit do të lançojë 15 urdhra për 15 ndotësit më të mëdhenj në vend në fillim të muajit të mjedisit, në datat 23 dhe 24 shkurt. Ministri Blendi Klosi, teksa paralajmëroi ashpërsim të ligjit për ndotësit, u kërkoi ndihmë donatorëve lidhur me investime konkrete të projekteve për menaxhimin e mbetjeve.
“Do të doja të kishim një moment reflektimi nga donatorët. Nuk mund ta zhvillojmë këtë betejë vetëm me studime. Ka ardhur momenti që projektet tona të stopojnë përsa përket strategjive”, tha Klosi.
I pranishëm Ministri i Bujqësisë Niko Peleshi vuri theksin tek turizmi duke thënë se arritja me sukses e ndërtimit të 100 modeleve të fshatrave turistikë, është një nisje e jashtëzakonshme për zhvillimin e zonave rurale. Për këtë arsye ministri i Bujqësisë kërkoi mbështetjen e partnerëve për programin e 100 fshatrave.
Fushatës kombëtare të mbjelljes së pemëve të Ministrisë së Turizmit dhe Mjedisit iu bashkua dhe trupi diplomatik në Tiranë.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.