167 raste të reja me Covid-19, MSH: Situata në dy spitalet Covid është e qëndrueshme
Gjatë 24 orëve të fundit kanë rezultuar pozitivë me koronavirus 167 persona. Në përditësimin e të dhënave, Ministria e Shëndetësisë informon se situata në dy spitalet Covid vijon të jetë e qëndrueshme, pavarësisht numrit relativisht të lartë të të prekurve ditorë.
“Ju informojme se situata ne spitale paraqitet e qëndrueshme. Aktualisht në spitalin Infektiv dhe “Shefqet Ndroqi” po trajtohen 179 pacientë, 18 në terapi intensive nga të cilët 8 pacientë janë të intubuar”.
Në 24 orët e fundit janë kryer 862 testime, ndërsa 46 qytetarë rezultojnë të shëruar. Tirana vijon të ketë numrin më të lartë të rasteve të reja, me 88 të prekur.
88 raste në Tiranë, 11 në Durrës, 9 ne Lëzhë, 8 në Elbasan, nga 7 raste Korçë, Fushë-Arrëz, 6 në Krujë, 5 në Vlorë, nga 4 raste Shkodër, Berat, 3 në Gramsh, nga 2 raste në Librazhd, Tepelenë, Bulqizë, Kuçovë, nga 1 rast në Kurbin, Mirditë, Kamëz, Gjirokastër, Dibër, Malësi e Madhe, Memaliaj.
Flutura Beqo, nga Ministria e Shëndetësisë i bën thirrje qytetarëve të resektojnë distancimin fizik, të vendosin maska dhe të kujdesen për higjienën vetjake dhe kolektive.
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.