17 raste të reja me Covid – Shtohet numri i pacientëve të shtruar në spital
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 102 qytetarë ku kanë rezultuar pozitiv 17 raste të reja, duke e çuar në 1263 numrin total të të infektuarve në të gjithë vendin.
Rastet e reja janë përkatësisht: 8 raste në Tiranë, 6 raste në Shkodër dhe 3 raste në Kamëz.
Aktualisht në dy spitalet Covid janë të shtruar 34 pacientë ku 6 prej tyre janë në terapi intensive dhe 2 pacientë janë të intubuar, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 7 pacientë duke e çuar në 945 numrin total të tyre dhe ka akoma dhe 284 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.