17 reformat 2018-2020/ Kadastra fiskale, uji, Hekurudha e Rinasit, kreditë e këqija
Kadastra fiskale që do bëjë të mundur vendosjen e taksës së re të apartamenteve, reforma e ujit, ndërtimi i Hekurudhës Tiranë –Durrës-Rinas, vënia në zbatim e planit për uljen e kredive të këqija, studimi i fizibilitetit për Korridorin Adriatiko-Jonian. Këto do të jenë reformat prioritare të Qeverisë për tre vitet e ardhshme.
TV Scan ka zbardhur planin strategjik të Qeverisë për vitet 2018-2020, ku janë parashtruar në total 17 reforma strukturore parësore.
Një tjetër sektor që do të vazhdojë t’i nënshtrohet reformimit të thellë është ai i energjisë, të cilat do përqendrohen te gazifikimi i vendit dhe liberalizimi i mëtejshëm i tregut të energjisë.
Reformave do t’i nënshtrohet edhe sektori i bujqësisë, përmes të cilave do të synohet defragmentarizimi i tokës.
Ndërkohë që në sektorin e arsimit, reforma do të vijojë me hartimin e kurrikulave të reja dhe trajnimin e arsimtarëve.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.