18.4% e popullsisë së BE-së rezultojnë duhanpirës – Suedia me numrin më të ulët ku femrat konsumojnë më shumë se meshkujt

Në vitin 2019, 18.4% e popullsisë së BE-së të moshës 15 vjeç ose më shumë raportuan se ishin duhanpirës të përditshëm të cigareve. Në fakt, 12.6% e popullsisë së BE-së konsumonte më pak se 20 cigare në ditë, ndërsa 5.9% konsumonte 20 ose më shumë cigare në baza ditore.

Në vendet anëtare të BE-së, vendet me përqindjen më të madhe të duhanpirësve ditorë të cigareve ishin Bullgaria (28.7%), Greqia (23.6%), Letonia (22.1%), Gjermania (21.9%) dhe Kroacia (21.8%). Në të kundërt, vendet me përqindjen më të vogël të duhanpirësve të përditshëm ishin Suedia (6.4%), Finlanda (9.9%), Luksemburgu (10.5%), Portugalia (11.5%) dhe Danimarka (11.7%).

Përqindja e duhanpirësve që konsumonin 20 cigare ose më shumë në ditë varionte ndërmjet 1.0% në Suedi dhe 12.9% në Bullgari. Në të njëjtën kohë, përqindja e duhanpirësve që konsumonin më pak se 20 cigare varionte midis 5.3% në Suedi dhe 15.8% në Bullgari.

Në vitin 2019, kishte më shumë duhanpirës në mesin e popullatës meshkuj sesa femra: 22,3% e meshkujve të moshës 15 vjeç e lart ishin duhanpirës të përditshëm, krahasuar me 14,8% të femrave.

Në nivel vendi, përqindja e meshkujve që pinin duhan çdo ditë varionte nga 5,9% në Suedi deri në 37,6% në Bullgari. Për gratë, kjo varionte ndërmjet 6.8% në Suedi dhe 20.7% në Bullgari. Në të gjitha shtetet anëtare të BE-së, përqindja e duhanpirësve ditorë të cigareve ishte më e lartë tek meshkujt sesa tek femrat, me përjashtim të Suedisë dhe Danimarkës. Në Suedi, përqindja e meshkujve që pinin duhan çdo ditë ishte 0,9 pikë përqindjeje (pp) më pak se përqindja e duhanpirësve femra ditore, ndërsa në Danimarkë përqindja e duhanpirësve meshkuj që pinin duhan çdo ditë ishte 0,1 pp më pak se pjesa e femrave duhanpirëse ditore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.