18 raste të reja pozitive – Numri i rasteve i shpërndarë në 4 qytete

Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 191 qytetarë ku kanë rezultuar pozitiv 18 raste të reja, duke e çuar në 898 numrin total të të infektuarve në të gjithë vendin.

Numri i rasteve të reja janë përkatësisht:11 në Tiranë, 4 në Krujë, 2 në Berat dhe 1 në Durrës.

Nga numri total i të prekurve janë shëruar 77% të pacientëve, dhe janë akoma 161 raste aktive.

Aktualisht në dy spitalet Covid janë të shtruar 19 pacientë ku 3 prej tyre janë në terapi intensive, ndërsa rastet e tjera po monitorohen nga mjeku i familjes.

Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.