198 mln lekë për platformën e shit-blerjes së energjisë – Pas anulimit nga KPP, KESH rihap tenderin. Fondi limit, 43 mln lekë më shumë
Pas anulimit të procedurës nga Komisioni i Prokurimit Publik, Korporata Elektroenergjetike Shqiptare ka rihapur tenderin për ngritjen e platformës për menaxhimin e shit-blerjes së energjisë si dhe modulet mbështetëse, ndërkohë që fondi limit i vënë në dispozicion ka pësuar rritje me 43 mln lekë. Sipas të dhënave zyrtare, fondi limit i tenderit të ri është 198 mln lekë, ndërkohë që në procedurën e mëparshme ishte 155 mln lekë.
Përmes këtij prokurimi publik, me vlerë mbi kufirin e lartë monetar, KESH synon të automatizojë procesin e shit-blerjes të energjisë, ku të gjithë operatorëve vendas apo të huaj t’u mundësohet të japin ofertat e tyre për këto procedura, marrjen e ofertave online nëpërmjet programit, si dhe sugjerimin në mënyrë automatike të ofertave me të favorshme për KESH.
Po ashtu, sistemi do të duhet të kryejë gjenerimin e faturave financiare, ekzekutimin e tyre në përputhje me regjimin tatimor, fiskalizimin e faturave dhe arkëtimet e transaksioneve. Hapja e këtij tenderi vjen pas anulimit të tenderit të mëparshëm, pas ankesës së një operatori ekonomik pranë Komisionit të Porkurimit Publik, për vendosjen e kritereve diksriminuese dhe përjashtuese nga gara.
Pas shqyrtimit të ankesës, KPP konstatoi se në dokumentet e tenderit KESH kishte përcaktuar deri në detaje specifikimet teknike dhe funksionet e fireëall-it të aplikacionit të ëeb-it (ËAF) që shërben për sigurinë e sistemit, duke i kufizuar maksimalisht zgjidhjet e mundshme që mund të ofrohen nga operatorët ekonomikë të interesuar.
“Komisioni sqaron, se rishikimi thelbësor i specifikikimeve teknike do të ndryshonte rrënjësisht procedurën e prokurimit, pasi do të ndikonte në mënyrë të drjetëpërdrejtë në hartimin e ofertës”,-thuhej ndër të tjera në vendim. Për këtë arsye KPP urdhëroi Korporatën Elektroenergjetike Shqiptare të anulonte tenderin dhe me rihapjen e procedurës të mbante parasysh konstatimet e mësipërme.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.