2-10 vjet burg për dhunën ndaj mjekëve – Dekriminalizohet gabimi mjekësor, doktorët: Duhet përkufizim i saktë për “neglizhencën”
Çdokush që dhunon mjekët rrezikon 2-10 vjet burg. Ky është një prej ndryshimeve të parashikuara në Kodin e ri Penal, që synon minimizimin e dhunës ndaj bluzave të bardha. Propozimet e reja janë prezantuar ditën e sotme përpara mjekëve dhe drejtuesve të shërbimeve shëndetësore.
Po ashtu, Kodi I ri dekriminalizon gabimin mjekësor, duke e klasifikuar si çështje administrative. Ndërkohë që, neglizhenca do të vijojë të jetë çështje penale, por me ndryshimet është bërë ndarja mes dëmtimeve të lehta dhe të rënda, që vijnë si pasojë e saj.
Mjekët e pranishëm në takim mirëpritën ndryshimet, por sipas tyre është e domosdoshme që të specifikohet qartë se çfarë do të konsiderohet si neglizhencë mjekësore, pasi mund të lindin keq interpretime që mund të pasohen me ndjekje penale.
Ndërkohë që, ministrja e Shëndetësisë dhe Mbrojtjes Social deklasoi se ndryshimet do të diskutohen edhe më tej, në tryeza më të vogla teknike.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.