2 miliard lekë për Sheshin Shqiponja – Shpallet tenderi për vazhdimësinë e punimeve

ARRSH njofton se ka miratuar projekt-preventivin e objektit: “Studim Projektim, Rishikim i projektit për segmentin rrugor të vazhdimit të Unazës së Madhe të Tiranës nga Sheshi Shqiponja Bulevardi i Ri” dhe përmes APP ka shpallur tenderin prej 2.375.552.033,75 lekë.

Sipas informacionit të publikuar në dokumentacionin e tenderit raporti i paraqitur përmbledh projektin për ri konceptimin e segmentit rrugor “Rruga Teodor Keko‐Sheshi Shqiponja” pasi bazuar në performancën aktuale të këtij segmenti dalin të domosdoshme ndërhyrje përmirësuese për qarkullimin dhe shërbyeshmërinë kundrejt përdoruesve dhe komunitetit.

Sipas njoftimit: “Me futjen ne pune te segmentit tjetër të unazës mënyra e deritanishme e qarkullimit ndërlikohet akoma me shume dhe pritet e ulje e nivelit të shërbimit qe ofron rruga. Nisur nga këto problematika të cilat janë shpjeguar me ne detaje ne kapitullin e studimit te trafikut është konceptuar një ndërhyrje e re mbi këtë segment. Ndërhyrja ka inkorporuar ne vetvete mënyrën e qarkullimit ne zonat përreth dhe tranzitimin unazor për qytetin e Tiranës. Ndërhyrja ka marrë parasysh planin rregullues të Tiranës”.

Sipas informacionit të publikuar kohëzgjatja e kontratës ose afati për zbatimin e saj është 24 muaj ndërsa afati i fundit i aplikimeve në tender është data 02.12.2021,  Ora 12:30.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.