2 skema të reja ujësjellësish – 5 fshatrat e jugut që do të përfitojnë nga ky investim
5 fshatra të bregdeti të jugut do të përfitojnë nga rikonstruksioni i dy ujësjellësve që do të furnizojnë banorët e tyre 24 orë me ujë.
Fondi Shqiptar i Zhvillimit gjatë këtyre ditëve ka zhvilluat konsultime mbi këtë këtë projekt me komunitetin e fshatrave Koc, Kudhës, Pilur, Qeparo Fushë dhe Qeparo fshat në mjediset e Bashkisë Himarë.
Nga ky investim që parashikon furnizimin me ujë me rënie të lirë nga burimet e Kuçit do të përfitojnë 6000 banorë. Sipas FSHZH-së, ky investim kap vlerën 2 milionë euro të qeverisë shqiptare, bashkëpunimit gjerman KfW dhe fondeve IPA 2013. Ndërkohë, bashkëfinancuese në masën 10% të këtyre investimeve do jetë edhe Bashkia Himarë.
Konsumatorët do të pajisen edhe me matësa uji, ndërsa ndërmarrja e Ujësjellës Kanalizimeve pranë Bashkisë Himarë do të kujdeset për funksionimin dhe mirëmbajtjen e tyre. Punimet për ndërtimin e këtyre dy ujësjellësve do të nisin gjatë këtij viti.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.