20 lekëshi i ri, Banka e Shqipërisë hedh në qarkullim monedhën e korrigjuar
Duke filluar nga data 30 mars, Banka e Shqipërisë do të hedhë në qarkullim monedhat e reja metalike me vlerë 20 lekë të emetuara në vitin 2016.
Rishtypja e këtyre monedhave është bërë për të korrigjuar 20 lekëshat e vjetër, ku fjalët “lekë” dhe “Shqipërisë” shkruheshin me e dhe jo me ë.
Monedha e re metalike, me vlerë nominale 20 Lekë, emetim i vitit 2016, ka të njëjtën përbërje, pamje, përmasa dhe peshë me monedhën metalike me vlerë nominale 20 Lekë, emetim i vitit 2012. Ndryshimi, përveç fjalëve, do të shihet edhe në vitin e emetimit, i cili shtypet në fund të anës së pasme të monedhës, pra 2016.
Duke filluar nga data 30 mars, kjo monedhë do të pranohet si mjet pagese njëlloj si monedhat e tjera ekzistuese të kësaj prerjeje, të prodhuar vitet e mëparshme.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.