20 mijë doza të Pfizer vijnë në prill – Manastirliu: Kapacitetet e vaksinimit janë të mjaftueshme, por do rrisim numrin e vaksinatorëve

Gjatë muajit prill pritet të mbërrijnë 20 mijë doza të vaksinës Pfizer, si pjesë e kontratës që qeveria shqiptare ka nënshkruar me kompaninë. Lajmi është bërë me dije nga ministrja  e Shëndetësisë, Ogerta Manastirliu, e cila ndoqi nga afër procesin e vaksinimit të të moshuarve me vaksinën e Sinovac. Manastirliu nuk dha detaje se për cilën kategori do të përdoren dozat që do të mbërrijnë në prill, por më herët zyrtarët e Instituti të Shëndetit Publik kanë deklaruar se pjesë e grupeve prioritare do të jenë policët dhe gazetarët.

Ndërkaq, teksa foli për vaksinimin e të moshuarve, ministrja tha se kapacitetet janë të mjaftueshme, ndërsa parashikohet edhe rritja e numrit të vaksinatorëve, që aktualisht është 1100.

Në total në vendin tonë kanë mbërritur 282 325 doza vaksinë, nga të cilat 192 mijë i takojnë prodhuesit kinez Sinovac, të të cilat po kryhet vaksinimi it ë moshuarave.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.