’20 miliardë euro në Bermuda’ – Çfarë fshihet pas transfertës marramendëse të Google?
Çfarë nuk ndalohet, lejohet!
Gjigandi amerikan i internetit Google ka përdorur një mekanizëm ligjor për të transferuar pothuajse 20 miliardë euro nga Holanda në Bermuda në 2017 për qëllime tatimore.
Kështu ka njoftuar një raport i gazetës holandeze gjatë ditës së sotme. Google, i cili është në pronësi të kompanisë amerikane të SHBA Alphabet, transferoi 19.9 miliardë euro me strategjinë e evazionit fiskal të quajtur “Double Irish, Dutch Sandwich”, sipas dokumenteve financiare të vitit 2018 të cituara nga FD-ja financiare.
Teknika përbëhet nga zhvendosja e të ardhurave nga një degë irlandeze në një kompani holandeze, e cila transferon fondet në një tjetër degë irlandeze të bazuar në Bermuda, ku nuk paguan asnjë tatim të ardhurash. Transferimi i Google për 2017 ishte rreth katër miliardë euro më shumë se krahasuar me vitin 2016, bazuar në llogaritë vjetore të paraqitura nga Google në Holandë me dhomën e tregtisë holandeze në fund të vitit të kaluar.
“Ne paguajmë të gjitha taksat e duhura dhe në përputhje me ligjet tatimore në çdo vend që veprojmë në mbarë botën. Google, ashtu si kompanitë e tjera shumëkombëshe, paguan shumicën dërrmuese të tatimit në të ardhurat e korporatave në vendin e tij, dhe ne kemi paguar një normë efektive të taksave globale prej 26 për qind gjatë dhjetë viteve të fundit” – tha Google deklaratë.
Apple, Facebook dhe Amazon gjithashtu janë veçuar për përdorim të sofistikuar të hapësirave fiskale për të paguar sa më pak taksa të jetë e mundur. Në Europë, ata shpesh përfitojnë nga normat e favorshme në Irlandë dhe Luksemburg.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.