200 mln euro dëm për biletat?! – Ahmetaj: Konkurrenca të nisë hetim, paguajnë qytetarët
Komisioni Parlamentar i Ekonomisë dhe Financave i ka kërkuar Autoriteti të Konkurrencës, të nisë hetimet për disa tregje të cilat po abuzojnë në kurriz të konsumatorëve, duke vënë theksin tek ai i fluturimeve ajrore dhe medikamenteve. Kreu i Komisionit Arben Ahmetaj, bëri me dije se fatura që paguajnë qytetarët shqiptarë për biletat e shtrenjta është rreth 200 milionë euro, për shkak të dominimit të dy linjave ajrore.
Një treg tjetër ku kërkoi sërish më shumë vëmendje është edhe ai i kolaudimit, koncesion të cilin Arben Ahmetaj e cilësoi turp.
Por kryetarja e Komisionit të Konkurrencës, Juliana Latifi, theksoi se ky institucion nuk ka bashkëpunimin e nevojshëm me qeverinë, dhe se rekomandimet e lëna për tregjet ku janë konstatuar abuzime, nuk janë vënë në zbatim.
Në raportimin e saj për vitin 2018, përballë deputetëve të Komisionit të Ekonomisë, Latifi bëri me dije se gjatë vitit që lam pas janë marrë 87 vendime si dhe janë vjelur 269 milionë lekë gjoba. Komisioni i Ekonomisë i kërkoi Autoritetit propozime për ndryshime ligjore që forcojnë peshën e tij kundrejt qeverisë.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.