200 të sapodiplomuar punësohen në administratën publike
Përfundojnë Programin Kombëtar te Praktikave te Punës në administratën publike 600 studentë të sapodiplomuar. Vetëm 200 prej tyre arritën të punësoheshin duke siguruar kështu një kontrate pune një-vjeçare. Në një ceremoni të veçantë në ambientet e Ministrisë së Arsimit, 200 të rinjtë u pajisën me certifikata dhe ndanë eksperiencën e tyre.
Në fjalën e saj përshëndetëse, Ministrja e Arsimit, Lindita Nikolla deklaroi se Sistemi arsimor krijon premisat e para ku përmes edukimit të merren dija e nevojshme, shprehitë dhe aftësitë për të garantuar sukses në tregun e punës.
“Prioritet i kësaj qeverie është punësimi, ndaj vëmendje do t’u kushtohet se kush janë fushat më prioritare të zhvillimit të vendit. E cila është një arsye e fortë, për të gjithë ata që nesër do të zgjedhin programet e studimit dhe ajo që është shumë e rëndësishme, ambicia jonë që përmes iniciativave të mundësojmë më shumë studentë që zgjedhin shkencën, teknologjinë, inovacionin, matematikën, të studiojnë po ashtu dhe fusha të tjera si turizmi, për hoteleri turizëm e kështu me radhë” .
Gjithashtu, ministrja Lindita Nikolla theksoi se është rritur numri i programeve profesionale 2-vjeçare, të cilët do të mundësojnë edhe ata maturantë që kanë një notë mesatare nën 6 të bëhen pjesë e tregut të punës duke zhvilluar aftësitë e tyre.
“Falenderoi kështu edhe universitetet publike dhe jo publike, të cilat po bashkëpunojnë duke i orientuar studentët të vazhdojnë studimet e larta në kolegje profesionale apo programe. Që nga ky vit të rinjtë do të kenë më shumë mundësi jo vetëm për të marrë një profesion apo një degë studimi , që është e kërkuar nga tregu i punës, por do të bëhen dhe pjesë e këtij të fundit pasi oferta e orientuar akademike dhe profesionale për rininë shqiptare është shtuar”, tha Nikolla.
p.s/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.