2016, Tatimet më pak të ardhura nga TVSH dhe TAP
Aksioni ndaj informalitetit i nisur dy vjet më parë duket se nuk po jep efektet e duhura në buxhetin e shtetit.
Kështu referuar raportit vjetor të Drejtorisë së Përgjithshme të Tatimeve, të ardhurat nga dy taksa të rëndësishme siç janë tatimi mbi vlerën e shtuar dhe tatimi mbi të ardhurat personale nuk janë realizuar sipas planifikimit.
Sipas këtij raporti, të ardhurat tatimore nga Tatimi mbi Vlerën e Shtuar ishin programuar në vlerën prej 37.6 miliardë lekë dhe janë realizuar në vlerën prej 33.9 miliardë lekë.
Krahasuar me të njëjtën periudhë të vitit 2015, në të cilën u arkëtuan 30.6 miliardë lekë, të ardhurat nga TVSH-ja janë arkëtuar 3.3 miliardë lekë më tepër, ose 10.90% më shumë.
Ndërsa tatimi mbi të ardhurat personale ishte programuar 32.1 miliardë lekë dhe është realizuar 31.5 miliardë lekë. Krahasuar me të njëjtën periudhë të vitit të kaluar 29.8 miliardë lekë prirja e tyre është në rritje në vlerë 1.7 miliardë lekë, ose 5.88% më shumë.
Aksioni ndaj informalitetit filloi dy vjet më parë dhe qeveria pretendoi se nëpërmjet formalizimit të ekonomisë, ku prioritet i dhe lëshimit të kuponit tatimor, nëpërmjet të cilit do të rriste të ardhurat nga TVSH.
Gjithashtu edhe nëpërmjet formalizimit të të punësuarve dhe futjes së tyre në skemën e sigurimeve do të rriste të ardhurat nga TAP.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.