2020, ATP shpërndan vetëm kompensime me kusht – Agjencia: I kursyem buxhetit të shtetit 12 milionë dollarë me skemën e pagesës jashtë radhe
Për vitin 2020 Agjencia e Trajtimit të Pronave ka ndaluar thuajse tërësisht dëmshpërblimit financiar të pronarëve, duke I dhënë përparësi vetëm kompensimeve me kërkesë të veçantë. Kompensimet me kërkesë të veçante është një skemë përmes së cilës pronarëve u ofrohet mundësia të heqin dorë nga një pjesë e shumës së kompensimit, në këmbim të përfitimit të pjesës së mbetur jashtë radhe. Në raportin e saj të punës për vitin 2020, Agjencia njofton se Kursimi i Buxhetit të Shtetit nga kjo formë kompensimi është 1,252,744,470 lekë, afërsisht 12 milionë dollarë.
Gjatë vitit 2020 Agjencia raporton se u shpërnda një fond për kompensim financiar prej 855 milionë lekësh, apo afërisht 8 milionë dollarësh. Prej saj, 49 milionë lekë, afërisht 500 mijë dollarë, për kompensim financiar, ndërsa pjesa tjetër prej rreth 8 milionë dollarësh ka shkuar për kompensim financiar me kërkesa të veçanta.
Ndërkohë që procesi I kompensimit ka hyrë në një ngërcc edhe më të thellë gjatë vitit 2021. Agjencia e Trajtimit të Pronave ka ndërprerë kompensimet që prej shkurtit, në çastin kur Gjykata Kushtetuese rrëzoi dy nene të Ligjit të Pronave të vitit 2015. Ajo ka raportuar pranë Ministrisë së Drejtësisë se ka kompensuar 216 subjekte qe kane perfituar kompensim me raste te vecante, dhe është në pritje të ndryshimeve ligjore që përcakton vendimi I Kushtetueses
Vendimi I Gjykatës Kushtetuese për rrëzimin e dy neneve të ligjit actual të kthimit dhe kompensimit I vitit 2015 ka sjellë bllokimin e procedurave nga ana e Agjencisë së Trajtimit të Pronave. Është vete ky institucion që raporton për Ministrinë e Drejtësisë se Gjate perjudhes Janar – Prill . ATP duke u bazuar ne ligjin 133/2015 “Per trajtimin e prones dhe perfundimin e procesit te kompensimit te pronave dhe akteve nenligjore”, ka kompensuar 216 subjekte qe kane perfituar kompensim me raste te vecante. Procesi i ekzekutimeve për vendimeve përfundimtare që kanë njohur të drejtën e kompensimit aktualisht është i bllokuar për shkak se në datën 04.02.2021, Gjykata Kushtetuese mori në shqyrtim kërkesën e Shoqatës “Pronësi me drejtësi”, në lidhje me Kushtetutshmërinë e Ligjit 133/2015, neni 6, pika 1, shkronja “b” dhe neni 7, Pika 2, shkronjat “a” dhe “b” dhe VKM 223/2016, të ndryshuar etj. Me zbardhjen e vendimit të Gjykatës Kushtetuese të botuar në Fletoren Zyrtare nr.37, datë 11.03.2021, është ngritur me Urdhër te Ministrit të Drejtësisë nr. 309 datë 14.04.2021 grup pune për “Hartimin e projektligjit “Për disa shtesa dhe ndryshime në ligjin 133/2015”, për të reflektuar në ato pika të cilat u shfuqizuan nga Gjykata Kushtetuese”.
Aktualisht po punohet me anëtarët e grupit të punës në Ministri si dhe me një grup pune nga Avokatura e Shtetit, për të konkluduar në propozimin përfundimtar i cili do të dërgohet Këshillit të Ministrave dhe Kuvendit të Shqipërisë për miratimin e tij.
Gjate kesaj periudhe Perfaqesimi ligjor ka mbyllur 293 Vendime te Ankimuara ne te gjitha gjykatat e vendit. 432 subjekte kane perfituar kompenim nga fondi i ndertimeve informale ne masen 70%.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.