2021, rritje e fortë në tregun e pensioneve vullnetare – AMF: Preferohet më shumë nga femrat, 32,932 anëtarë në fund të muajit shtator
Gjithnjë e më shumë njerëz po u drejtohen pensioneve vullnetare për të siguruar të ardhura shtesë pas shkëputjes së marrëdhënieve të punës, ndërkohë që rritje përgjatë gjithë vitit kanë shënuar edhe shumat e parave që ata investojnë për këtë qëllim. Autoriteti I Mbikqyrjes Financiare raporton se Analiza e të dhënave për tregun e pensioneve private vullnetare më 30.09.2021 tregon një total asetesh neto prej 4,2 miliardë lekësh (afërisht 35.25 milionë euro[1]).
Sipas të dhënave astetet e këtij tregu kanë shënuar një rritje prej 681.56 milionë lekë (18.92%) krahasuar me 31.12.2020.
Numri i anëtarëve në fondet e pensioneve, më 30.09.2021 rezultoi 32,932 në fund të muajit shtator, duke shënuar një rritje prej 6.16% krahasuar me 31.12.2020.
Ndërkohë që duket se janë femrat ato që I drjetohen më shumë këtij lloj investimi. AMF raporton se në fund të shtatorit rezulton se anëtarësi e këtij tregu përbeht nga 16,992 femra dhe 15,940 meshkuj.
Në tregun e pensioneve private vullnetare ushtrojnë aktivitetin e tyre katër fonde pensioni, të cilat ofrojnë në total një numër 268 planesh pensionesh. Edhe numri I planeve të pensioneve ka shënuar një rritje të dukshme prej 12.6% krahasuar me fundin e vitit 2020, kur numri total I tyre ishte 238.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.