2022, fondi i Kompensimit që s’shpërndahet kurrë – 50 milionë dollarë për pronarët, por Ligji i ri i Pronës është rrëzuar nga Kushtetuesja!

Si në çdo fund viti, Këshilli i Ministrave ka miratuar formalisht fondin e kompensimit për pronarët, i cili vit pas viti vijon të mbetet i pashpërndarë. Ashtu si dhe në projektbuxhetet e mëparëshme, Qeveria parashikon një shumë prej 5 miliardë lekësh, afërsisht 50 milionë dollarë për procesin e kompensimit, I cili përsëri me shumë gjasa do të mbetet I pashpërndarë.

Dështimi më I freskët I përdorimit të këtij fondi për qëllimin e parashikuar me ligj është viti 2021. Ndërsa vitet e mëparëshme, arrihej të shpërndahej ndonjë pjesë e vogël e këti fondi, për vitin ku jemi, veprimtaria e Agjencisë së Trajtimit të Pronës është bllokuar thuajse tërësisht. Në raportin për 8 muajt e parë të vitit, të depozituar në Ministrinë e Drejtësisë, Agjencia e Trajtimit të Pronave thekson se shkak është bërë vendimi I Gjykatës Kushtetuese e cila pranoi kërkesën e Shoqatës Pronësi me Drejtësi për rrëzimin e disa neneve të Ligjit të Ri për Kthim Kompensimin. Gjatë kësaj periudhe është vijuarn vetëm me trajtimin me kërkesë të veccantë, formulë që u jep mundësi pronarëve të marrin jashtë radhe kompensimin, nëse pranojnë të heqin dorë nga pjesa dërrmuese e shumës totale.

Procesi i ekzekutimeve për vendimeve përfundimtare që kanë njohur të drejtën e kompensimit aktualisht është i bllokuar për shkak se në datën 04.02.2021, Gjykata Kushtetuese mori në shqyrtim kërkesën e Shoqatës “Pronësi me drejtësi”, në lidhje me Kushtetutshmërinë e Ligjit 133/2015, neni 6, pika 1, shkronja “b” dhe neni 7, Pika 2, shkronjat “a” dhe “b” dhe VKM 223/2016, të ndryshuar etj.     Me zbardhjen e vendimit të Gjykatës Kushtetuese të botuar në Fletoren Zyrtare nr.37, datë 11.03.2021, është ngritur me Urdhër te Ministrit të Drejtësisë nr. 309  datë 14.04.2021 grup pune për “Hartimin e projektligjit “Për disa shtesa dhe ndryshime në ligjin 133/2015”,  për të reflektuar në ato pika të cilat u shfuqizuan nga Gjykata Kushtetuese”.

Aktualisht po punohet me anëtarët e grupit të punës në Ministri si dhe me një grup pune nga Avokatura e Shtetit, për të konkluduar në propozimin përfundimtar i cili do të dërgohet Këshillit të Ministrave dhe Kuvendit të Shqipërisë për miratimin e tij.

Ndërkaq, Gjate perjudhes Janar – Gusht, ATP duke u bazuar ne ligjin 133/2015 “Per trajtimin e prones dhe perfundimin e procesit te kompensimit te pronave dhe akteve nenligjore”, jane kompensuar  216 subjekte qe kane perfituar kompensim me raste te vecante, thekson raporti.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.