Fitimi i Daimler për T3 – Kostot, më të mëdha se të ardhurat rekord nga GLA, GLC, E-class
Prodhuesi i mercedez benz, Daimler, ka raportuar rezultatin për tremujorin e tretë, në një sezon të shumëpritur nga investitorët. Fitimi operacional për periudhën pati rënie, ndërkohë që kosto e pastrimit të makinave me diesel si dhe zëra të tjerë të veçantë, kanë sjellë një barrë që ka tejkaluar shitjet rekord të makinave luksoze mercedes.
Të ardhurat përpara interesave dhe taksave (EBIT) të grupit gjerman ranë me 14% në 3.46 miliardë euro në tremujorin e tretë. Daimler ka shpenzuar 223 milionë euro për të përditësuar mbi 4 milionë modele aktual e të vjetër të makinave diesel në Europë, për të limituar ndotjen.
Kthimi i më shumë se 1 milionë makinave për pasagjerë dhe SUV në të gjithë botën të lajmëruar këtë javë do të shtojë një kosto prej rreth 230 milionë euro, deklaron kompania gjermane.
Prodhuesi ka udhëzuar një rritje të të ardhurave përpara interesave dhe taksave këtë vit. Daimler pret që treguesi në njësinë e kamionëve të tejkalojë bindshëm nivelin e vitit të kaluar.
Të ardhurat e Daimler nga njësia e kamionëve, që është njësia e dytë bazuar te të ardhurat, u rritën me 30% në 614 milionë euro, nxitur nga kërkesa e madhe në Amerikën e Veriut.
Dërgesat për tremujorin e tretë të makinave luksoze mercedes, u rritën me 7.9% në një rekord prej 573 mijë, nxitur nga kërkesa e fortë për modelet GLA, GLC dhe E-class.
Kjo theu rritjen me 1.2% në 499 mijë automjete nga rivali BMË, të cilin Mercedes e eklispoi vitin e kaluar duke u bërë prodhuesi më i madh i makinave luksoze nga shitjet.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.