207 raste të reja me Covid-19, MSH: “5 persona humbën jetën dhe u shëruan 538 të tjerë”
Gjatë 24 orëve të fundit kanë rezultuar pozitivë me koronavirus 207 persona, ndërsa në total janë kryer 2698 testime. Rastet pozitive të konfirmuara janë identifikuar në këto bashki: 54 raste në Tiranë, 16 në Shkodër, 14 në Gjirokastër, 10 në Fier dhe 9 raste në Korçë.
Në 24 orët e fundit janë shëruar 538 qytetarë, duke e çuar numrin e të shëruarve në 99,441 që nga fillimi i epidemisë. Aktualisht në spitalet COVID në Tiranë dhe tre spitalet rajonale po trajtohen 194 pacientë, 13 në terapi intensive dhe vetëm 2 janë të intubuar. Me gjithë përpjekjet e stafit mjekësor, 5 qytetarë e kanë humbur betejën me COVID19, të moshave nga 59-87 vjeç.
Ministria e Shëndetësisë dhe Mbrojtjes Sociale u bën thirrje qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.