21 raste të reja me COVID-19! Kryeson sërish Shkodra dhe listës i shtohet edhe Kurbini! Trend pozitiv mes të shëruarve dhe infektuarve

Në 24 orët e fundit, listës së personave të konfirmuar si pozitivë me COVID-19 i janë shtuar edhe 21 të tjerë. Numrin më të madh të rasteve të reja e mban Shkodra. Ndërkohë, listës së zonave të prekura i është shtuar tashmë edhe Kurbini.

Drejtuesja e ISHP-së Albana Fico tha se janë testuar 253 persona në 24 orët e fundit.

Ndërkohë, trendi i të shëruarve është pozitiv kundrejt të infektuarve, ashtu sikurse konstatohet një rënie e numrit të personae që janë në spitale.

“Ndër rastet e reja kemi 11 në Shkodër, 4 në Tiranë, 4 në Krujë dhe hartës i shtohet Kurbini me dy raste.  Janë testuar në total 5080 raste të dyshuara ku 539 kanë rezultuar pozitivë. Deri më sot 26 qytetarë kanë humbur betejën me sëmundjen pavarësisht përpjekjeve të bëra nga ekipet mjekësore. Në 24 orët e fundit, 6 pacientë janë shtuar listës së të shëruarve duke e çuar numrin e tyre në 283. Në të dy spitalet ka një total prej 43 pacientësh” njoftoi drejtuesja e ISHP-së.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.