23 pacientë të tjerë fitojnë betejën me COVID-19 në vend – Shkon në 154 numri i të shëruarve nga Koronavirusi

Ministrja e Shëndetësisë, Ogerta Manastirliu ka njoftuar gjatë mesnatës se edhe 23 persona kanë rezultuar negativ në testin për Covid-19. Kjo shifër e çon në 154 numrin e të shëruarve nga Koronavirusi në Shqipëri.

“Lajm i mirë, 23 të shëruar sot”, shkruan Manastirliu.

Shqipëria ka regjistruar ditën e djeshme numrin më të ulët të rasteve të reja të konfirmuara me COVID-19 gjatë dy javëve të fundit. Nga 182 teste të kryera kanë rezultuar pozitiv vetëm gjashtë raste të reja, duke çuar në total numrin e të infektuarve në 383. Deri tani janë regjistruar 22 viktima.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.