23 raste të reja pozitive – Shpërndarja në 6 qytete të vendit përfshirë edhe Librazhdin
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 229 qytetarë ku kanë rezultuar pozitiv 23 raste të reja, duke e çuar në 1122 numrin total të të infektuarve në të gjithë vendin.
Rastet e reja janë përkatësisht: 16 raste në Tiranë, 2 raste në Mat, 2 raste në Lushnjë, 1 rast në Durrës, 1 rast në Krujë dhe 1 rast në Librazhd.
Gjatë 24 orëve të fundit janë shëruar 6 pacientë duke e çuar në 857 numrin total të të shëruarve, dhe janë akoma 215 raste aktive.
Aktualisht në dy spitalet Covid janë të shtruar 26 pacientë ku 4 prej tyre janë në terapi intensive dhe 1 pacient është i intubuar në gjendje të rënde, ndërsa rastet e tjera po monitorohen nga mjeku i familjes.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.