24.6 milion lekë për 145 banorë – Nis shpronësimi i pronave të prekura nga ndërtimi i aksit ‘Selenicë – Kuç – Qeparo’ (Lista)
Ministria e Infrastrukturës dhe Energjisë referuar njoftimit të publikuar në Fletoren Zyrtare ka shpallur kërkesën për shpronësim për interes publik të pasurive të paluajtshme, pronë private, që preken nga ndërtimi i objektit: “Rehabilitimi i rrugës së Lumit të Vlorës, aksi ‘Selenicë – Kuç – Qeparo’”
Subjekti kërkues i këtij projekti është Autoriteti Rrugor Shqiptar. Me anë të këtij publikimi kërkohet vënia në dijeni e personave të prekur nga ky shpronësim, për pasuritë e paluajtshme, pronë private, të cilat do të kompensohen sipas vlerësimit paraprak të llogaritur bazuar në VKM-në nr. 89, datë 3.2.2016, “Për miratimin e hartës së vlerës së tokës në Republikën e Shqipërisë” dhe në VKM-në nr. 138, datë 23.3.2000, “Për kriteret teknike të vlerësimit dhe të përllogaritjes së masës së shpërblimit të pasurive që shpronësohen, të pasurive që zhvlerësohen dhe të të drejtave të personave të tretë, për interes publik”, të ndryshuar.
Vlera totale paraprake e shpronësimit është 24,656,060.43 (njëzet e katër milionë e gjashtëqind e pesëdhjetë e gjashtë mijë e gjashtëdhjetë pikë dyzet e tre) lekë.
https://qbz.gov.al/eli/fz/2021/30/a93a3f62-5920-46ff-b0a2-a4d1cfa799b8
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.