250.000 euro, me skemë mashtrimi- Policia ekstradon ‘drejtorin’

Interpol Tirana ka ekstraduar nga Gjermania drejt Shqipërisë shtetasin me iniciale I.D, 54 vjeç.

Në vitin 2012, I.D i është prezantuar shtetases me iniciale F.SH si drejtor i një banke private.

Duke përdorur skemë mashtrimi, ka arritur ti marrë shtetases F.SH 230.000 euro, prej të cilave i ka kthyer vetëm shumën prej 25.000 eurosh.

Shtetasi I.D u arrestua në Mynih nga autoritetet policore në datën 5 mars 2019, me qëllim ekstradimin drejt Shqipërisë, në zbatim të urdhër- arrestit ndërkombëtar të nga Zyra Qendrore Kombëtare Interpol Tirana, pasi Gjykata e Rrethit Gjyqësor Tiranë e ka dënuar me 7 vjet burg, për veprën penale “Mashtrimi”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.