2500 ndëshkime për punën – Vlora mban rekord, Gjirokastra qarku më i rregullt
Mbi 2500 subjekte janë ndëshkuar gjatë vitit 2018 për shkak se janë kapur në shkelje të ligjeve të punës.
Referuar raportit të Inspektoriatit Shtetëror të Punës, konkretisht masa janë marrë për 2568 subjekte private dhe shtetërore, ku për 855 prej tyre është vendosur masa urgjente pezullim i aktivitetit, janë paralajmëruar 1538 subjekte, si dhe janë gjobitur 175 subjekte të tjera.
Në total inspektoriati ka kontrolluar 12.297 subjekte shtetërore dhe private si dhe mbi 291 mijë vende pune. Vlerta totale e gjobave të vendosura arrin në rreth 30 milionë lekë. Sa i takon shkeljeve, Vlora mban vendin e parë sa i takon abuzimeve me punonjësit dhe legjislacionit të punës dhe kryesisht problematika me e madhe qëndron tek bizneset private, qark për të cilin në total janë marrë 544 masa penalizuese, e ndjekur nga Berati me 426 masa, Tirana, Durrësi, etj.
Ndërsa qarku më i rregullt në këtë drejtim ka rezultuar Gjirokastra, me vetëm 20 shkelje të evidentuara në total.
Masa penalizuese
Pezullim 855 subjekte
Paralajmërim 1538 subjekte
Gjoba 175 subjekte
Total 2568 subjekte
Tabelë
Qyteti/ Masa
Vlorë 544
Berat 426
Tiranë 400
Durrës 322
Elbasan 152
Dibër 148
Lezhë 142
Korçë 117
Shkodër 111
Kukës 98
Fier 84
Gjirokastër 20
Qendër 7
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.