26 shqiptarë dalin para gjykatës në Francë – Akuzohen për vjedhjen e 700 stolive me vlerë 1.5 mln euro
Gjyqi i 26 të akuzuarve shqiptarë për vjedhjen e stolive të rreth 200 rasteve në Francë, duke përfshirë edhe ato në Belgjikë, ka nisur këtë të hënë në Gjykatën Penale Saint-Etienne.
19 shqiptarë dhe 7 kosovarë u njohën më akuzat, të ndihmuar nga katër përkthyes dhe rreth pesëmbëdhjetë avokatë. Disa do të gjykohen në mungesë, përfshirë edhe një të dyshuar për vrasje në një rast tjetër, i cili është në burg në Zvicër, shkruan lefigaro.fr.
François Bouriaud, kreu i grupit gjykues në leximin e të akuzuarve përmendi 60 persona të përfshirë, 140 viktima nga grabitjet e 192 rasteve, atribuuar shqiptarëve të grupmoshave 25-45 vjeç. Gati 15 viktima të grabitjeve ishin të pranishëm në seancë.
Një shoqatë miqësore shqiptare, një shoqatë lokale e vendosur në qendër të Firminy, shërbeu si një kamp bazë për të pandehurit. Humbjet më të lartë materiale të këtyre vjedhjeve të kryera gjatë natës në shtëpitë e zbrazëta për banorët e tyre nga fundi i 2015 deri në fund të 2017, janë vlerësuar në 155,000 euro. Të ardhurat e shitjes së stolive të vjedhura, disa prej të cilave janë shitur në portin belg të Antwerp, mund të kapin vlerën mes 1 dhe 1.5 milion euro.
Rreth 700 bizhuteri të gjetura nga hetuesit janë ekspozuar pasdite në sallën e gjyqit për t’u identifikuar nga pronarët e tyre.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.