27 paralajmërime dhe mbi 300 inspektime në të gjithë vendin – AKU vijon kontrollet për sigurinë ushqimore

Trupat inspektuese të AKU-së kanë kryer gjatë 24 orëve të fundit 352 inspektime dhe monitorime edhe si pjesë e Task-Forcës Anti-Covid.

Sipas AKU gjatë inspektimeve nëpër biznese ushqimore  janë  dhënë 27 masa me paralajmërim, për arsye të mungesës së librezave shëndetësore, higjienizimit të ambienteve, mungesë të shërbimit 3D, mungesë të rinovimit të analizave të ujit etj. si dhe bazuar Planit të Marrjes së Mostrave janë marrë 38 mostra, për monitorim të qumështit, ashtu edhe në fruta-perime për analizim të mbetjeve pesticide.

Autoriteti Kombëtar i Ushqimit në garantim të sigurisë ushqimore,  vijon punën pandërprerë në të gjithë vendin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.