3 anëtarët e fundit të Kushtetueses – Gjykata e lartë çel garën për vakancat, Yuri Kim: Po lëvizni në drejtimin e duhur
Gjykata e Lartë ka rihapur procedurat për tre anëtarë të Gjykatës Kushtetuese. Bashkë me Kuvendin dhe Presidentin, Gjykata e Lartë është institucioni I tretë që ka tagrin ligjor për emerimin e tre gjyqtarëve kushtetues, process që ka mbetur pezull prej kohësh për shkak të mungesës së kandidaturave. Lajmi është përshëndetur menjeherë nga Ambasadorja e Shteteve të Bashkuara në Tiranë.
“Ju po lëvizni në drejtimin e duhur, por unë e nxis Këshillin e Lartë Gjyqësor që të përfundojë procedurat për vlerësimin dhe të rendisë e caktojë kandidatët më të mirë të verifikuar që kanë aplikuar për ngritje në detyrë në Gjykatën e Lartë. Sapo Këshilli ta bëjë këtë, kjo do të hapë rrugën për udhëtimin e Gjykatës së Lartë drejt majës së malit. Majën mund ta arrini vetëm nëse punoni së bashku” ka thënë Ambasadorja Yuri Kim gjatë aktivitetit për Garantimin e një Drejtësie të Efektshme në Gjykatën e Lartë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.