3 faktorët që pengojnë kredidhënien në bujqësi – Sejko: Informaliteti, fragmentarizimi dhe risku i lartë. Fermerët të krijojnë partneritete
Në konferencën për mbështetjen me kredi të sektorit Bujqësor, Guvernatori i Bankës së Shqipërisë ka nënvizuar se ai meriton shumë më tepër vëmendje nga sektori bankar duke parë kontributin e tij në punësim.
Vetëm 1.7% e totalit të kredisë në vend janë përfituar nga sektori bujqësor. Sejko renditi tre faktorët kryesorë që kanë privuar fermerët nga kreditimi: risku i lartë i financimit, fragmentarizimi I tokës bujqësore, dhe vlera e ulët ose mungesa e plotë e dokumenteve të pronësisë së fermerëve.
Ai tha se këto vështirësi mund të kalohen vetëm përmes partneriteteve e skemave kolektive, duke bërë të mundur edhe sigurimin e financimeve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.