3 mënyrat për të fituar besimin e shefit tuaj pasi keni bërë një gabim
Janë pikërisht gabimet që ju bëjnë të mësoni dhe ju drejtojnë tek arritjet e mëdha, ku ju mund të tregoni më së miri aftësitë që keni.
Nëse keni dështuar në një projekt në punë dhe shefi juaj nuk mund ta kaloj lehtë këtë gjë është koha që ju të rivendosni edhe një herë imazhin dhe kredibilitetin tuaj.
Do t’ju japim tre strategji që mund t’i ndiqni për të rivendosur besimin mes jush dhe shefit tuaj.
Hyni në një periudhë të qetë
Së pari ju duhet të pranoni gabimet tuaja dhe natyrisht të kërkoni falje, për një periudhë dy ose tre javore duhet të bini në qetësi. Kjo gjë do të ju ndihmoj që shefi juaj të shohë se ju jeni të përulur nga gabimi. Po ashtu duhet t’i zvogëloni gjasat që shefit dhe kolegëve tuaj mos t’iu kujtohet gabimi që keni bërë.
Merrni mbështetje nga mentorët e tjerë
Pas gabimit që keni bërë në punë, kontaktoni menjëherë mentorët e tjerë të kompanisë. Ata nuk duhet ta marrin vesh gabimin tuaj një javë më vonë nga të tjerët. Çështja është që të siguroheni që ta dëgjojnë informacionin e saktë direkt nga ju dhe jo nga thashethemet që dalin jashtë kontrollit. Këta individë të cilëve do t’i kërkoni ndihmë do t’ju ndihmojnë të riktheni imazhin tuaj në kompani.
Punoni për të shënuar fitore të vogla
Duhet të merrni disa projekte të vogla që t’i dëshmoni edhe një herë shefit tuaj që jeni përsëri të gatshëm për të rimarrë një projekt tjetër të madh.
Po ashtu duke pasur suksese të vogla me kalimin e kohës, rritni aftësinë tuaj për të rivendosur kredibilitetin dhe marrëdhëniet e besimit me shefin dhe kolegët e tuaj.
Përgatiti: Ylber Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.