3 mijë lekë shpërblim për çdo pensionist me rastin e festave të fundvitit! Qeveria pritet të votojë pro
Edhe këtë vit pensionistët në Shqipëri pritet të marrin shpërblim me rastin e festave të fundvitit. Vendimi i qeverisë parashikon që përfitues të shpërblimit do të jetë të gjithë pensionistët dhe nuk do të ketë diferencime duke u kufizuar në kategori për shkak të situatës së vështirë të krijuar nga tërmeti.
Vendimi pritet të bëhet publik pas mbledhjes së qeverisë,sëbashku me detaje lidhur me fondin dhe shumën që do të përfitojnë pensionistët. Jozyrtarisht SCAN ka mësuar se shpërblimi që do të jepet do të jetë në masën 3 mijë lekë për secilin pensionist.
Vitet e kaluara qeveria shqiptare ka miratuar shpërblimin 5 mijë lekë për çdo pensionist në kuadër të asaj që është emërtuar “Paketa e Solidaritetit” . Paketa e solidaritetit vjet llogaritej rreth 3 miliardë lekë ndërsa numri i përfituesve mbi 600 mijë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.